Zebûr 76 - Kurmanji ÎncîlZebûr 76 Bi tembûrên bi têl, Zebûra Asaf, lavij 1 Li Cihûdayê Xwedê tê zanîn, Li Îsraêlê navê wî bilind e; 2 Holika wî li Salemê ye, Dera lê rûdinê li Sîyonê, 3 Wî li wê derê, tîrên bi agir, Şûr û mertal, çekên şer şikand. 4 Yê ku berz e tu yî, Tu ji çiyayên serfiraziyê rewnaqtir î. 5 Yên mêrxas hatin şêlandin, Wan xewa xwe kir, Yên herî hêzdar destê xwe nelebitandin. 6 Ey Xwedayê Aqûb, ji erzşikandina te, Ereba cengê jî, hesp jî nîvmirî bûn. 7 Tu, tirsdar î! Tu! Çaxê tu hêrs bibî, kî dîkare li ber te raweste? 8 Da ku tu xelas kî hemû bindestên dinê, Ey Xwedê, gava ku te dest pê kir bi dadbarkirinê, 9 Biryara te ji ezmanan hat bihîstin, Erd tirsiya û bêdeng ma. 10 Ya rast, xezeba mirov ji te re pesindan e, Xezeba bermayî, ji bo te bêziyan e 11 Sozên xwe ji Xudan Xwedayê xwe re bi cih bînin, Hemû yên li der û dora wî, Bila ji yê tirsdar re diyariyan bînin. 12 Ew, ruhê serokan dişikîne, Ji padîşahên dinê re tirsê tîne. |
Kurdish New Testament and Psalms + © Bible Society in Turkey, 2005.
Bible Society in Turkey