Zebûr 61 - Kurmanji Încîl

Zebûr 61

Bi tembûrên bi têl, Zebûra Dawid

¹ Ey Xwedê, feryada min bibihîze, Goh bide dua min.

² Gava ku dilê min dixeriqe, Ez bangî te dikim ji vî kujê dinê. Tu min derxe wî zinarê ku ez nagihîjimê,

³ Çimkî tu ji bo min bûyî star, Li hember dijmin bûyî birceke hêzdar.

⁴ Li konê te ez her û her rûnêm, Xwe bavêjim bin siya bazkê te.

⁵ Ey Xwedê, te sozdanên min bihîst, Mîrasa yên ku ji navê te ditirsin, te da min.

⁶ Tu rojan, li rojên padîşah zêde ke, Bila salên wî bibin sedsal!

⁷ Bila li pêş Xwedê hergav rûnê, Tu wî, bi kerem û rastiya xwe biparêze!

⁸ Hingê ezê ji navê te re hergav lavijan bêjim, Û her roj sozên xwe bînim cih.