Zebûr 54 - Kurmanji Încîl

Zebûr 54

Piştî Zilfî hatin û ji Sawil re gotin: «Dawîd di nav me de xwe vedişêre.»

¹ Ey Xwedê min bi navê xwe rizgar ke, Bi hêza xwe min pak ke!

² Ey Xwedê, duaya min gohdar ke, Goh bide peyva devê min.

³ Çimkî biyaniyan serî hilda li ber min, Zordar dixwazin bistînin canê min, Ew li Xwedê nagerin.

⁴ Va ye, Xwedê alîkarê min e, Reb piştgirê min e.

⁵ Ewê xerabiyê li dijminên min vegerîne, Bi dilsoziya xwe wan ji navê hilîne.

⁶ Ya Xudan, ezê ji dil qurbanekê pêşkişî te bikim, Bi navê te spas bikim, çimkî ew qenc e.

⁷ Te ez ji hemû tengahiyên min rizgar kir, Li pêş çavê min dijminên min helaq kir.