Zebûr 20 - Kurmanji Încîl

Zebûr 20

Zebûra Dawid

¹ Di roja teng de, bila Xudan bide bersîva te Bila navê Xwedayê Aqûb te bilind bike.

² Bila ji dera pîroz ji te re bişîne alîkarî, Ji Siyonê ji te re bibe hêzdarî.

³ Bila hemû goriyan bibîr bîne, Goriyên şewitandî bipejirîne!

⁴ Bila bi dilê xwe bide te, Hemû şîretên te bi cih bîne!

⁵ Hingê emê, serketina te bi şahî pîroz kin, Bi navê Xwedê alên xwe rêz kin. Bila Xudan hemû daxwazên te bi cih bîne.

⁶ Niha ez hîn bûm, Xudan ji meshkiriyê xwe re rizgariyê tîne. Bi hêza destê xwe yê rastê, Ji ezmanên pîroz wî dibersivîne.

⁷ Hin bi erebên xwe yên şer, Hin bi hespên xwe pesnê xwe didin. Belê em navê Xudan Xwedayê xwe hildidin.

⁸ Ew xwar bûn, dikevin; Em rabûn, ripîrast in.

⁹ Ya Xudan, ji padîşah re rizgariyê bîne! Gava me bang kir, me bibersivîne!