Zebûr 150 - Kurmanji Încîl

Zebûr 150

¹ Pesnê Xudan bidin! Li perestgeha wî ya pîroz pesnê Xwedê bidin! Li ezmanên ku hêzdariya wî nîşan didin, pesnê wî bidin!

² Ji bo karên wî yên hêzdar pesnê wî bidin! Li gor mezinahiya wî ya bêdawî pesnê wî bidin!

³ Bi dengê boriyê pesnê wî bidin! Bi çengê û bi lîrê pesnê wî bidin!

⁴ Bi tefê û bi reqsê pesnê wî bidin! Bi saz û bi neyê pesnê wî bidin!

⁵ Bi dengê zengilan pesnê wî bidin! Bi zengilên dengdar pesnê wî bidin!

⁶ Bila hemû yên bi nefes, pesnê Xudan bidin! Pesnê Xudan bidin.