Zebûr 136 - Kurmanji Încîl

Zebûr 136

¹ Ji Xudan re spas bikin, çimkî ew qenc e; Kerema wî her û her e!

² Ji Xwedayê îlahan re spas bikin; Kerema wî her û her e!

³ Ji Rebê reban re spas bikin; Kerema wî her û her e!

⁴ Tenê ew karên nedîtî dike; Kerema wî her û her e!

⁵ Bi şehrazayiya xwe wî ezman afirand; Kerema wî her û her e!

⁶ Wî erd li ser avan belav kir; Kerema wî her û her e!

⁷ Ronahiyên mezin wî afirand; Kerema wî her û her e!

⁸ Wî tav afirand, da ku serwerî li rojê bike; Kerema wî her û her e!

⁹ Ji bo serweriya şevê, wî heyv û stêr afirand; Kerema wî her û her e!

¹⁰ Wî li Misirê nixuriyan kuşt; Kerema wî her û her e!

¹¹ Bi destê xwe yê hêzdar, zendê xwe yê dirêj; Kerema wî her û her e!

¹² Îsraêlê ji navbera wan deranî; Kerema wî her û her e!

¹³ Wî Derya Sor kir du şeq; Kerema wî her û her e!

¹⁴ Kir ku Îsraêl di nav re derbas bibe; Kerema wî her û her e!

¹⁵ Wî Fîrewn û ordiya wî avêt Derya Sor; Kerema wî her û her e!

¹⁶ Wî gelê xwe li çolê meşand; Kerema wî her û her e!

¹⁷ Wî li padîşahên mezin xist; Kerema wî her û her e!

¹⁸ Wî padîşahên navdar kuşt; Kerema wî her û her e!

¹⁹ Wî padîşahê Amoriyan Sîhon; Kerema wî her û her e!

²⁰ Û padîşahê Başanê Og kuşt; Kerema wî her û her e!

²¹ Û ciyên wan bi mîrasî; Kerema wî her û her e!

²² Ji evdê xwe Îsraêl re mîras hêşt; Kerema wî her û her e!

²³ Yê ku di tengahiya me de, me bibîr tîne ew e; Kerema wî her û her e!

²⁴ Û me ji dijminên me rizgar dike; Kerema wî her û her e!

²⁵ Yê ku xwarinê dide hemû canan ew e; Kerema wî her û her e!

²⁶ Ji Xwedayê ezmanan re spas bikin; Kerema wî her û her e!