Zebûr 129 - Kurmanji Încîl

Zebûr 129

Lavija Hecê

¹ Niha bila Îsraêl bêje: «Ji xortaniya min vir ve, gellek tengahî dan min.

² Ji xortaniya min vir ve, gellek tengahî dan min, Belê wan ez têk nebirim.

³ Cotkaran li ser pişta min çot ajotin, Şopên xwe dirêj kirin.»

⁴ Belê Xudan rastdar e, Wî ez azad kirim.

⁵ Hemû yên ku ji Sîyonê nefret dikin, Bila şerm bikin û bi şûn ve vegerin.

⁶ Bila wek giyayê li ser ban, Beriya ku bigihîjin, ziwa bibin.

⁷ Pale, bi wê destê xwe, Melûvan, bi wê himêza xwe tije nake.

⁸ Yên ku di rê de derbas dibin, bila nebêjin, «Bereketa Xudan li ser we be, Em bi navê Xudan we pîroz dikin.»