Zebûr 127 - Kurmanji Încîl

Zebûr 127

Lavija Hecê ya Silêman.

¹ Eger Xudan malê çêneke, Avakar beredayî dixebitin. Eger Xudan bajêr neparêze, Notirvan beredayî hişyar dimîne.

² Zû rabûn, Dereng razan, Xema derbasiyê kirin, ji bo we pûç e. Çimkî Xudan, razayî be jî, dide heskiriyê xwe.

³ Zarok ji Xudan mîras in, Berê malzarokê, perrû ye.

⁴ Tîrê di destê mêrxas de çi be, Zarokên ku di xortaniyê de çêdibin, ew in.

⁵ Xwezî bi wî zilamî ku rextê wî yê tîran tije ye! Gava ku ew li ber derê bajêr bi dijminên xwe re devjenî dike, Ew şermî nabe.