Zebûr 124 - Kurmanji Încîl

Zebûr 124

Lavija Hecê ya Dawid

¹ Bila niha Îsraêl bêje: «Eger Xudan ne bi me re bûya,

² Gava ku dijmin êrîşî me dikir, Eger Xudan ne bi me re bûya,

³ Çaxê kela hêrsa wan rabûbû, Hingê wanê, em bi saxî daqurtanda.

⁴ Hingê, wê tofanê em bi xwe re bibira, Pêl di ser me re derbas bibûna.

⁵ Hingê wê avên rabûyî, Em bi xwe re bibirana.»

⁶ Bila Xudan pîroz be, Ew Xudan, ku em nekirin nêçîra ber diranê wan!

⁷ Canê me, Wek çûkekê ji dahfika nêçîrvanan xelas bû, Dafik şikest, em xelas bûn.

⁸ Alîkariya me bi navê Xudan e, Ew afirandarê erd û ezman e.