Zebûr 100 - Kurmanji Încîl

Zebûr 100

Zebûra spaskirinê.

¹ Ey tevahiya dinyayê, bi şahî ji bo Xudan biqîrin!

² Bi şahî biperizinê, Bi lavijên şahî derkevin pêşberî wî!

³ Bizanibin ku Xudan Xwedê ye. Wî em afirand, em yên wî ne, Em gelê wî, miyên mêrga wî ne.

⁴ Bi spasî derbas bibin, di derê wî de, Bi pesindan têkevin hewşên wî! Ji wî re spas bikin, pîroz bikin navê wî!

⁵ Çimkî qenc e Xudan, Heskirina wî her û her e. Dilsoziya wî herdem dajo.