Dîrok I, 26 - Kurmanji Încîl

Dergevanên Perestgehê

¹ Beşên dergevanan: Ji Qoraxiyan: Meşelemyayê kurê Qorêyê Asafî.

² Kurên Meşelemya: Kurê pêşî Zekeriya, kurê diduyan Yedyeyêl, kurê sisêyan Zevadya, kurê çaran Yatniyêl,

³ kurê pêncan Elam, kurê şeşan Yehohanan û kurê heftan Êlyehoênay.

⁴ Kurên Ovêd-Edom: Kurê pêşî Şemaya, kurê diduyan Yehozavad, kurê sisêyan Yoah, kurê çaran Saxar, kurê pêncan Natanêl,

⁵ kurê şeşan Emmiyêl, kurê heftan Îssexar û kurê heştan Peûlletay. Çimkî Xwedê Ovêd-Edom pîroz kiribû.

⁶ Ji Şemayayê kurê wî re jî kur çêbûn. Ji ber ku ew mêrxas bûn, wan di nav binemala bavê xwe de serwerî dikir.

⁷ Kurên Şemaya: Otnî, Refaêl, Ovêd û Êlzavad. Mirovan Semaya; Êlîhû û Şemaxya jî mêrxas bûn.

⁸ Tevahiya wan ji ziriyeta Ovêd-Edom bûn. Tevî kur û birayan, hemû mêrxas ji xizmetê re amade bûn. Ji ziriyeta Ovêd-Edom şêst û du kes.

⁹ Kur û birayên Meşelemya: Hijdeh kesên mêrxas bûn.

¹⁰ Kurên Hosayê Mêrarî: Yê serek Şîmrî –çimkî tevî ku ne kurê pêşî jî bû, bavê wî ew kiribû serek–

¹¹ kurê diduyan Hîlqiya, kurê sisêyan Tevalya û kurê çaran Zekeriya. Tevahiya kur û birayên Hosa sêzdeh kes bûn.

¹² Kesên li ser beşên dergevanan û serekên wan ev bûn ku li Mala Xudan wekî Lewiyiyên birayên xwe xizmet dikirin.

¹³ Wan ji bo her dergeh, li gorî binemalan, çi biçûk çi mezin, pişk avêt.

¹⁴ Di pişkê de, Dergehê Rojhilat ji Şelemya re derket. Paşê ji bo Zekeriyayê kurê wî pişk hat avêtin ku şêwirmendê serwext e. Jê re deriyê bakur derket.

¹⁵ Dergehê Başûr ji Ovêd-Edom re, ji kurên wî re jî embar derket.

¹⁶ Dergehê Rojava û Dergehê Şallexetê yê li ser riya jor, ji Şuppîm û Hosa re derket.

¹⁷ Her roj, li rojhilatê Malê rojê şeş, li bakur çar, li başûr çar, li embaran dido bi dido,

¹⁸ li hewşa li pêşberî deriyê rojava dido û li ser rê jî çar Lêwiyî hebûn.

¹⁹ Beşên dergevanên ji Qoraxî û Mêrariyiyan pêk dihatin ev bûn.

Xezînedar û berpirsiyar

²⁰ Ahiyayê ji Lêwiyiyan, li ser xezîneyên Mala Xwedê û xezîneyên diyariyên bexişandî bû.

²¹ Zarên Ladan, Gêrşoniyên ji ziriyeta Ladan û serekên binemalên Ladanê Gêrşonî, Yehiyêlî û kurên wî bûn.

²² Kurên Yehiyêlî Zêtam û Yoêlê birayê wî li ser xezîneyên Mala Xudan bûn.

²³ Ji Emramiyan, Yîshariyan, Hevroniyan û Ûzziyêliyan peywir dan van kesan:

²⁴ Şevûêlê kurê Gêrşomê kurê Mûsa ku berpirsê sereke yê xezîneyan bû.

²⁵ Birayên wî: Rehavyayê kurê Êliyezer, Îşayayê kurê Rehavya, Yoramê kurê Îşaya, Zikriyê kurê Yoram û Şelomîtê kurê Zikrî.

²⁶ Şelomît û birayên wî, li ser tevahiya xezîneyên pîroz bûn ku Dawidê Padîşah, serekên binemalan, sersed, serhezar û fermandarên artêşan ew xezîne bexişandibûn.

²⁷ Wan beşek ji talanên ku di şeran de biribûn, ji bo temîrkirina Mala Xudan veqetandin.

²⁸ Tevahiya diyariyên ku Samûêlê Zanyar, Şawûlê kurê Qîş, Avnêrê kurê Nêr, Yoavê kurê Serûya û diyariyên din jî di bin destê Şelomît û birayên wî de bûn.

Peywirên din ên Lêwiyiyan

²⁹ Ji Yîshariyan: Kenanya û kurên wî, ji bo gelê Îsraêl, ji bilî karên perestgehê, wekî peywirdar û dadger hatin kifşkirin.

³⁰ Ji Hevroniyan: Haşavya û birayên wî, hezar û heft sed mêrxas bûn. Ew ji bo gelê Îsraêl, li ser her karê Xudan û xizmeta padîşah ê li herêma rojavayê Çemê Şerîayê berpirsiyar bûn.

³¹ Yeriyayê ji Hevroniyan li gorî qeyda ziriyetê, serekê Hevroniyan bû. Di çilsaliya padîşahiya Dawid de, lêkolîna qeydan hate kirin û li Yazêra li Gîladê, di nav Hevroniyan de mêrxasên wêrek dîtin.

³² Ew û birayên wî, mêrxasên wêrek, serekên binemalan bûn. Ew du hezar û heft sed kes bûn. Dawidê Padîşah, ji bo her karê Xwedê, karê padîşah û rêveberiyê ew li ser Rûbênî, Gadî û ji nîveşîra Minaşşe kirin berpirsiyar.