Dîrok I, 25 - Kurmanji Încîl

Stranbêjên Perestgehê

¹ Dawid û fermandaran hinek kurên Asaf, Hêman û Yedûtûn veqetandin ku xizmetê bikin. Wê bi çeng, tembûr û zîlan pêxemberî bikirana. Kesên ku wê xizmeta van karan bikirana ev bûn:

² Ji kurên Asaf: Zakkûr, Ûsiv, Natanya û Aşarêla. Kurên Asaf di bin destê Asaf de bûn ku bi fermana padîşah pêxemberî dikir.

³ Ji Yedûtûn, kurên Yedûtûn: Gedalya, Serî, Îşaya, Şîmî, Haşavya û Mattîtya. Di bin berpirsiyariya bavê xwe Yedûtûnê ku tevî çengê pêxemberî, şikirdarî û pesindana Xudan dikir. Ew şeş kes bûn.

⁴ Ji Hêman, kurên Hêman: Bûqiya, Mattanya, Ûzziyêl, Şevûêl, Yerîmot, Hananya, Hananî, Êliyata, Gîddaltî, Romamtî-Êzer, Yoşbeqaşa, Mallotî, Hotîr û Mahaziyot.

⁵ Ev kurên Hêmanê zanyarê padîşah bûn. Li gorî gotina Xwedê, ji bo ku pişta wî xurt bikin, ev kur jê re hatibûn dayîn. Xwedê çardeh kur û sê keç dan Hêman.

⁶ Tevahiya wan di bin rêveberiya bavê xwe de, ji bo xizmeta Mala Xwedê, li Mala Xudan bi zîl, çeng û tembûran lavij digotin. Asaf, Yedûtûn û Hêman di bin emrê padîşah de bûn.

⁷ Hejmara Lêwiyiyên ku ji bo Xudan lavijan bêjin hatin perwerdekirin û bûn hoste, du sed û heştê û heşt kes bû.

⁸ Tevahiya wan, mezin û biçûk, mamoste û şagirt, ji bo parvekirina peywiran pişk avêtin.

⁹ Pişka pêşî li Ûsivê ziriyeta Asaf, kur û birayên wî ket, duwanzdeh kes. Ya diduyan li Gedalya, kur û birayên wî ket, duwanzdeh kes.

¹⁰ Ya sisêyan li Zakkûr, kur û birayên wî ket, duwanzdeh kes.

¹¹ Ya çaran li Yîsrî, kur û birayên wî ket, duwanzdeh kes.

¹² Ya pêncan li Natanya, kur û birayên wî ket, duwanzdeh kes.

¹³ Ya şeşan li Bûqiya, kur û birayên wî ket, duwanzdeh kes.

¹⁴ Ya heftan li Yesarêla, kur û birayên wî ket, duwanzdeh kes.

¹⁵ Ya heştan li Îşaya, kur û birayên wî ket, duwanzdeh kes.

¹⁶ Ya nehan li Mattanya, kur û birayên wî ket, duwanzdeh kes.

¹⁷ Ya dehan li Şîmî, kur û birayên wî ket, duwanzdeh kes.

¹⁸ Ya yanzdehan li Ezarêl, kur û birayên wî ket, duwanzdeh kes.

¹⁹ Ya duwanzdehan li Haşavya, kur û birayên wî ket, duwanzdeh kes.

²⁰ Ya sêzdehan li Şûvayêl, kur û birayên wî ket, duwanzdeh kes.

²¹ Ya çardehan li Mattîtya, kur û birayên wî ket, duwanzdeh kes.

²² Ya panzdehan li Yerêmot, kur û birayên wî ket, duwanzdeh kes.

²³ Ya şanzdehan li Hananya, kur û birayên wî ket, duwanzdeh kes.

²⁴ Ya hivdehan li Yoşbeqaşa, kur û birayên wî ket, duwanzdeh kes.

²⁵ Ya hijdehan li Hananî, kur û birayên wî ket, duwanzdeh kes.

²⁶ Ya nozdehan li Mallotî, kur û birayên wî ket, duwanzdeh kes.

²⁷ Ya bîstan li Êliyata, kur û birayên wî ket, duwanzdeh kes.

²⁸ Ya bîst û yekan li Hotîr, kur û birayên wî ket, duwanzdeh kes.

²⁹ Ya bîst û diduyan li Gîddaltî, kur û birayên wî ket, duwanzdeh kes.

³⁰ Ya bîst û sisêyan li Mahaziyot, kur û birayên wî ket, duwanzdeh kes.

³¹ Ya bîst û çaran jî li Romamtî-Êzer, kur û birayên wî ket, duwanzdeh kes.