Dîrok I, 24 - Kurmanji Încîl

Peywira kahinan

¹ Beşên kurên Harûn wiha bûn: Kurên Harûn: Nadav, Avîhû, Êlezar û Îtamar.

² Lê Nadav û Avîhû beriya bavê xwe mirin û kurên wan tunebûn. Ji ber vê yekê tenê Êlezar û Îtamar bûn kahin.

³ Dawid û Sadoqê ji ziriyeta Êlezar û Ahîmelekê kurê Îtamar, Harûniyan li gorî karên ku dikin beş bi beş veqetandin.

⁴ Ji nav kurên Îtamar zêdetir, di nav kurên Êlezar de mêrên bijare peyda bûn. Ew jî wisa hatin veqetandin: Ji kurên Êlezar, serekên binemalan şanzdeh kes. Ji kurên Îtamar, li gorî binemalan heşt kes.

⁵ Ji van û ji wan, bi vî awayî bi riya pişkê ji hev veqetiyan. Çimkî hem ji kurên Êlezar, hem jî, ji kurên Îtamar serekên ji deverên pîroz û xizmeta Xwedê berpirsiyar hebûn.

⁶ Şemayayê Nivîsende kurê Natanêlê Lêwiyî, wan li ber çavên padîşah û peywirdarên wî, Sadoqê Kahin, Ahîmelekê kurê Aviyatar, serekên malbatên kahin û Lêwiyiyan, bi pişk ew nivîsandin. Yek ji malbata Êlezar, yek jî, ji malbata Îtamar bi riya pişkê diyar bûn.

⁷ Pişka pêşî li Yehoyarîv ket. Ya diduyan li Yedaya,

⁸ ya sisêyan li Harîm, ya çaran li Seorîm,

⁹ ya pêncan li Malkiya, ya şeşan li Miyamîn,

¹⁰ ya heftan li Haqqos, ya heştan li Aviya,

¹¹ ya nehan li Yêşû, ya dehan li Şexanya,

¹² ya yanzdehan li Êlyaşîv, ya duwanzdehan li Yaqîm,

¹³ ya sêzdehan li Hûppa, ya çardehan li Yeşevav,

¹⁴ ya panzdehan li Bîlga, ya şanzdehan li Îmmêr,

¹⁵ ya hivdehan li Hêzîr, ya hijdehan li Happîssês,

¹⁶ ya nozdehan li Petahya, ya bîstan li Yehezqêl,

¹⁷ ya bîst û yekan li Yaxîn, ya bîst û diduyan li Gamûl,

¹⁸ ya bîst û sisêyan li Delaya û ya bîst û çaran li Maezya ket.

¹⁹ Çawa ku Xwedayê Îsraêl Xudan lê emir kiribû, li gorî rêbazên ku Harûnê bavkalê wan bi destê xwe daye wan, dora çûna xizmeta Mala Xudan wiha bû:

²⁰ Lêwiyiyên din ev in: Ji Emramiyan, Şûvayêl û ji Şûvayêliyan Yehdeya.

²¹ Ji Rehavyayiyan Yîşşiyayê serek.

²² Ji Yîshariyan Şelomot û ji Şelomotiyan Yahat.

²³ Kurên Hevron: Yeriyayê kurê pêşî, Amaryayê kurê diduyan, Yahaziyêlê kurê sisêyan û kurê çaran Yeqamam.

²⁴ Kurên Ûzziyêl: Mîxa û ji Mîxayiyan, Şamîr.

²⁵ Yîşşiyayê birayê Mîxa û Zekeriyayê kurê Yîşşiya.

²⁶ Kurên Mêrarî: Mahlî, Mûşî û Yaeziya.

²⁷ Kurên Yaeziyayê neviyê Mêrarî: Şoham, Zakkûr û Îvrî.

²⁸ Ji Mahlî: Êlezarê ku kurê wî tunebû.

²⁹ Ji Qîş: Yerahmeyêlê kurê Qîş.

³⁰ Kurên Mûşî: Mahlî, Eder û Yerîmot. Li gorî binemalan, Lêwiyî wisa bûn.

³¹ Wekî birayên xwe Harûniyan, wan jî li ber Dawidê Padîşah, Sadoq, Ahîmelek, kahin û serekên binemalên Lêwî pişk avêt. Serekên malbatan û birayên wan ên serekên binemalan jî pişk avêt.