Nyimbo 99 - Bhukhu la Kuyamba

Mulungu mambo wadziko lentse

¹ Chawuta antonga, lekani wanthu atetemele! An'khala pamakherubhi, lekani dziko litekenyeke!

² Chawuta ninkulu mu Ziyoni, ankuziwa pawanthu wentse.

³ Lekani adumbize dzina lanu likulu lin'gopsa! Iye niwakuyela!

⁴ Nam'phamvu, Mambo anfuna kulinganiza, mudakhazikisa kulinganiza; imwe mwachita kulinganiza nachilungamo mwa Jakobho.

⁵ Kuzani Chawuta Mulungu wathu! Kotamilani pakupondelela nzayo zake! Niwakuyela!

⁶ Mozisi na Aroni akhali pakati paanyantsembe wake, Samueli, pakati paawo akhachemela dzina lake. Adachemelela kwa Chawuta, iye adaadayila.

⁷ Adalewa-lewa nawo, ali munguli yantambo, adachengeta umboni wake, nalango laakhaapasa.

⁸ Imwe Chawuta Mulungu wathu, mudaadayila, mukhali Mulungu wakuwalekelela, pomwe nyakubwezela pabzakuyipa bzawo.

⁹ Kuzani Chawuta Mulungu wathu! Kotamilani paphili lake lakuyela; pakuti Chawuta Mulungu wathu niwakuyela!