Nyimbo 98 - Bhukhu la Kuyamba

Mulungu ntongi wadziko lentse

Nyimbo.

¹ Imbilani Chawuta nyimbo inyowani, pakuti wachita bzinthu bzin'dabwisa. Janja lake ladidi najanja lake lakuyela, bzampasa kukunda.

² Chawuta adadziwisa chipulumuso chake, adawonesa kulungama kwake pamaso pamadziko.

³ Adakumbukila ntsisi zake, nakukhulupilika kwake, kunyumba ya Izraeli. Mapeto yentse yadziko yadawona chipulumuso cha Mulungu wathu.

⁴ Chitani chiwowo chakusekelela Chawuta, dziko lentse! Tsamulani nyimbo yakusekelela, imbani nyimbo zakudumbiza!

⁵ Imbani nyimbo zakudumbiza Chawuta nachipendani! Nachipendani nakubveka kwanyimbo!

⁶ Nawunda, nakulila kwanyanga, chitani chiwowo chakusekelela pamaso pa Mambo Chawuta!

⁷ Lekani nyanja nabzentse bzili m'mwemo bziwunge! Dziko naawo an'khala m'mwemo.

⁸ Lekani tukamadzi tuwombele manja yatwene! Mapili yayimbe yachisekelela pabodzi,

⁹ pamaso pa Chawuta pakuti am'bwela, kuzatonga dziko. An'zatonga dziko mwakulungama, nawanthu mwakulinganiza.