Nyimbo 82 - Bhukhu la Kuyamba

Mulungu ndiye ntongi nkulu

Nyimbo ya Asafi

¹ Mulungu watola mbuto yake mudale laamilungu, pakati paamilungu, iye antonga.

² “Kufika lini muchitonga mwakusaya kulinganiza, muchilemelela mbali yawanthu wakuyipa?” Selah.

³ Tongani wapantsi nankhungwa mwakulinganiza! Tongani amphayi naansaya mwakulungama!

⁴ Pulumusani wapantsi naansaya! Achizeni kujanja lawakuyipa!

⁵ Alibe kudziwa, panango kubvesesa, anfamba mun'dima, matsinde yentse yadziko yatekenyeka.

⁶ Koma ine ninti, “Ndimwe milungu, wana wa Nyakudzulu-dzulu mwentse;

⁷ koma mun'zafa ninga munthu, mun'zagwa ninga ntongi wentse.”

⁸ Sumukani, imwe Mulungu, tongani dziko! Pakuti mun'zatola madziko yentse.