Nyimbo 75 - Bhukhu la Kuyamba

Kutonga kwa Mulungu

Kwanyakuyimbisa: kuteyeza Leka Kucheneka. Nyimbo ya Asafi. Nyimbo.

¹ Timpeleka kutenda kwayimwe Mulungu, timpeleka kutenda, dzina lanu lili pafupi; tinilewa bzamabasa yanu yan'dabwisa.

² Mulungu aniti, “Panthawe yakutaliwa yaninsankhula, nin'zatonga mwakulinganiza.”

³ Dziko palin'zasungunuka, nawanthu walene wentse, ndine nin'tsigila ntsigilo zalene. Selah.

⁴ Ninti kwaam'bzikuza, “Lekani kubzikuza!” Nakwawakuyipa ninti, “Lekani kusumusa nyanga yanu!

⁵ Lekani kusumusa nyanga yanu n'dzulu! Panango kulewa-lewa mudatalimphisa khosi.”

⁶ Pakuti nkumabveledzuwa lini panango kumadokelo, pomwe nkuchipululu lini kun'choka kusumukila,

⁷ koma Mulungu ndiye antonga, am'bweza pantsi munango, achisumusa munango.

⁸ Pakuti mujanja la Chawuta ndimo muna nkombo, udadzala vinyu iniwila, yakusanganisiwa bwino. Iye an'zayithulula vinyu imweyo, wakuyipa wentse wadziko achizayimwa, an'zayimwa yentse nancheche zentse.

⁹ Koma ine nin'zalalikila kufika lini nalini, nin'zadumbiza Mulungu wa Jakobho.

¹⁰ Nyanga zentse zawakuyipa an'zazigwata, koma nyanga zawakulungama zin'zasumukila.