Nyimbo 65 - Bhukhu la Kuyamba

Nyimbo yakupembeza nakutenda

Kwanyakuyimbisa. Nyimbo ya Dhaveti. Nyimbo.

¹ Imwe Mulungu, dumbizo linkomela imwe mu Ziyoni, pomwe malumbilo yathu yan'dzadzikiziwa kwayimwe.

² Pakuti munibva mapemphelo. Wanthu wentse, an'zabwela kwayimwe.

³ Bzakuyipa bzawo bzandikulila, imwe mun'zapagali bzakuyipa bzathu.

⁴ Niwakudala bzawo wanthu wam'munsakhula, muchiwabwelesa pafupi, kuti akhale muntalo chanu, tin'zakhuta nakukoma kwanyumba yanu, kwa Tembele yanu yakuyela.

⁵ Namabasa yanu yan'dabwisa, muchilungamo chanu muntidayila, imwe Mulungu wachipulumuso chathu, ndimwe chinyanganilo chawanthu wentse kufika kudamalila dziko, nakunyanja zenste zili kutali.

⁶ Nam'phamvu zanu mudakhazikisa mapili, muchibvala mphamvu zanu.

⁷ Mun'nyamaliza kulilima kwanyanja, nakulilima kwayakape-yape yache, chipilingu chawanthu.

⁸ Awo an'khala kutali-tali kudamalila dziko, an'gopa bzilatizo bzanu, mun'chita kuti machibese namawulo bzichemelele nakukondwa.

⁹ Mun'zungila dziko muchilithiliza, muchilikhupusa kwene-kwene. Kamadzi ka Mulungu kadadzala namadzi, ndimwe mumpasa wanthu mbewu, ndiko kukumbuka kwamudabzichita.

¹⁰ Mulungu munthiliza minda namvula izinji kwene-kwene. Muchiyitotesa minda bwino-bwino nan'nyontho. Munfewesa dongo lache namvula yakuwaza, muchidalisambo pomwe bzim'mela m'mwemo.

¹¹ Mun'bvadzika gole nangundu yabzabwino bzanu, munfamba ngolo zanu mun'doda mafuta.

¹² Mumbuto zakuwuma, zakuchepa mwakudyesela bzifuwo, mun'zadzala nawupsa mitunthu ichidzalambo nakukondwa.

¹³ Mwakudyela bzifuwo mun'zadzala bzifuwo, magowa yan'zadzala nambewu, bzichikuwa nakuyimba nyimbo bzichikondwa.