Nyimbo 61 - Bhukhu la Kuyamba

Pemphelo lakukumbila kuchinjiliziwa

Kwanyakuyimbisa nagitale. Nyimbo ya Dhaveti.

¹ Imwe Mulungu ibvani kulila kwangu, tetekelani pemphelo langu.

² Ndili kudamalila dziko, nin'chemela kwayimwe, ntima wangu pawuninga wafoka; nditsogoleleni kumwala utali kupita ine!

³ Pakuti ndimwe mphako yangu, ndimwe dala lakulimba patsogolo paazondi wangu.

⁴ Lekani ndikhale mutenti yanu kufika lini nalini! Lekani ndibisale pantsi panthunzi wamaphaphilo yanu! Selah.

⁵ Pakuti Mulungu munibva kulumbila kwangu, mumpasa nthaka yanu awo an'gopa dzina lanu.

⁶ Thimizilani ntsiku zamambo, magole yake yafike kum'badwe nam'badwe.

⁷ Ngaakhale pampando wawumambo kufika lini nalini patsogolo pa Mulungu! Muchinjilizeni nantsisi nakukhulupilika kwanu!

⁸ Nakutenepo niniyimba ndichidumbiza dzina lanu kufika lini nalini, panimpeleka bzandidalumbilila ntsiku nantsiku.