Nyimbo 6 - Bhukhu la Kuyamba

Kwanyakuyimbisa nabhanjo pa Sheminiti. Nyimbo ya Dhaveti

¹ Lekani kunditsimula mudakalipa Chawuta! Panango kundilanga muna nkwiyo!

² Ndikomeleni ntima, Chawuta pakuti ndatepa, mundilape Chawuta, pakuti mabondo yangu yamala basa.

³ N'zimu wangu ukushupika kwene-kwene, tsono Chawuta kufika lini?

⁴ Chungunukani, Chawuta chizani umoyo wangu, ndipulumuseni nathangwe lantsisi zanu.

⁵ Pakuti muyimpfa mulibe kukukumbukani, kumbuto yawanthu wakufa mbani angakudumbizeni?

⁶ Ndaneta kubuwula, usiku wokha-wokha nintotesa pakugona pangu namisozi, ntsago wangu watota namisozi.

⁷ Diso langu lachita zungwe, nathangwe lakuwawa lafoka nathangwe laazondi wangu.

⁸ Chokani kwayine imwe wakuphata mabasa yakuyipa! Pakuti Chawuta wabva fala lakulila kwangu.

⁹ Chawuta wabva kudandawula kwangu, Chawuta wadayila pemphelo langu.

¹⁰ Azondi wangu wentse an'zanyala achizungayila kwene-kwene, an'zabwelela m'mbuyo achibva manyazi mwabvulumuku.