Nyimbo 53 - Bhukhu la Kuyamba

Kuyipa kwamunthu

Kwanyakuyimbisa: Kuteyeza Mahalati. Masikili ya Dhaveti.

¹ Lombe liniti muntima mwalene, kulibe Mulungu. Ana nzelu zapezi-pezi, an'chita bzin'nyantsa; palibe ne m'bodzi wawo an'chita bzabwino.

² Mulungu ali kudzulu adanyangana wanthu akhali pantsi, kuti awone kuti panango panamunthu anakubvesesesa, uyo ampsaga Mulungu.

³ Wentse niwakupanduka, wentse adadzongeka, palibe nambodzi anchita bzabwino, ne m'bodzi yekha.

⁴ Mulungu adati, ko iwo akuchita bzakuyipa andziwa lini? Awo akudya wanthu wangu kuchita ninga akudya zingwa, ko an'chemela lini Mulungu?

⁵ Kumweko an'zagopa kwene-kwene, ipo palibe chin'gopsa, pakuti Mulungu an'zamwaza mabondo yawanthu ankuchitilani bzakuyipa. An'zanyazisiwa pakuti Mulungu adaalamba.

⁶ Ninga chipulumuso cha Izraeli chachoka mu Ziyoni! Mulungu akabwezela mpfuma yawathu wake, Jakobho an'zakondwa Izraeli in'zasekelela.