Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Nyimbo 5 - Bhukhu la Kuyamba


Kwanyakuyimbisa namitolilo. Nyimbo ya Dhaveti

1 Chawuta, kumbukani mafala yangu, ibvani kubuwula kwangu.

2 Wonani kulila kwangu, mambo wangu, Mulungu wangu. Pakuti nimpemphela kwayimwe,

3 machibese-bese munibva kulila kwangu Chawuta. Machibese-bese nimpeleka pemphelo langu kwayimwe, ndichiyimila kudayiliwa nayimwe.

4 Pakuti ndimwe lini Mulungu anfuna chakuyipa, munfuna lini chakuyipa kukhala pamaso panu.

5 Wakubzikuza angayime lini pamaso panu, mun'zonda wentse an'chita bzakuyipa.

6 Mun'cheneka wentse anilewa magunkha, Chawuta an'nyantsiwa naakapondo nawanthu wakunama.

7 Koma nathangwe lakuwanda kwantsisi zanu ndichapita munyumba mwanu, Nin'zakotama ndichikupembezani mu Tembele yanu iniyela, ndichikugopani.

8 Nditsogoleleni Chawuta muchilungamo chanu, nathangwe laazondi wangu, lungamisani njila yanu patsogolo pangu.

9 Pakuti nkamwa mwawo mulibe chadidi, nkati mwamitima yawo muna bzakucheneka. Ngololo zawo nimanda yadafunguka, malilimi yawo yanilewa bzakunama.

10 Apaseni mulandu, muchiwalanga, Mulungu, agwe nabzakuyipa bzawo bzaampangana. Nathangwe labzakuyipa bzawo muwathamangise pamaso panu, pakuti akupandukilani.

11 Koma wentse ampotela kwayimwe ankondwa, nthawe zentse aniyimba achikondwa. Mun'zachinjiliza wentse anfuna dzina lanu, an'zakondwa mwayimwe.

12 Pakuti imwe Chawuta mun'dalisa wakulungama, kukoma ntima kwanu ninchinjilizo kwayiye.

Bhaibheri reChikunda © Bible Society of Zimbabwe

Bible Society of Zimbabwe
ကြှနျုပျတို့နောကျလိုကျပါ:



ကြော်ငြာတွေ