Nyimbo 43 - Bhukhu la Kuyamba

Pemphelo lamunthu ali muwulanda

¹ Ndilinganizeni Mulungu, ndiyimilileni mulandu wangu kwawanthu ansaya kukhulupilika; ndipulumuseni kwawanthu wachinyengo ansaya kulinganiza.

² Pakuti imwe Mulungu ndimwe pakubisala pangu; ko mwandilambilanyi? Ko thangwe lanyi ninfamba ndichilila, nathangwe lakupondelelewa naazondi wangu?

³ Tumilani kuwinika kwanu, nachadidi chanu, lekani bzinditsogolele! Lekani bzindibwezele pomwe kuphili lakuyela, kwamunkhala!

⁴ Pamwepo ine nin'zayenda kumbuto yakupelekela ntsembe ya Mulungu, kwa Mulungu kukondwa kwangu kwene-kwene; Pomwe nin'zakudumbizani nantolilo, imwe Mulungu, Mulungu wangu!

⁵ Ko thangwe lanyi kukotama, iwe moyo wangu? Thangwe lanyi kushupika nkati mwangu? Dikhila mwa Mulungu, pakuti nin'zapeleka pomwe, kwayiye chipulumuso changu, pomwe Mulungu wangu.