Nyimbo 3 - Bhukhu la Kuyamba

Nyimbo ya Dhaveti paadathawa mwana wake Abhisalomu.

¹ Chawuta nkuwanda tani kwaazondi wangu! Azinji ali kundimukila.

² Ali kulewa kun'zimu wangu kuti, “Mulungu animuchiza lini.” Selah

³ Koma imwe Chawuta ndimwe nchinjilizo yangu kumbuyo kwangu, mbili yangu, ndimwe mum'bwezela wunthu wangu.

⁴ Nin'chemelela kwa Chawuta nafala langu lentse, iye achindidayila ali paphili lake lakuyela. Selah

⁵ Ninkhwapsama pantsi ndichigona, nin'zalamuka pomwe pakuti Chawuta anin'chengeta.

⁶ Nin'gopa lini masawuzande khumi yawanthu, ampangana bzakundizungunuka m'mbali zentse achifuna kundimenya.

⁷ Sumukani Chawuta, ndipulumuseni Mulungu wangu! Pakuti imwe mum'menya azondi wangu wentse pamatama, pomwe wakuyipa muniwagulula mano.

⁸ Chipulumuso chin'choka kwa Chawuta, daliso lanu likhale pawanthu wanu. Selah.