Nyimbo 26 - Bhukhu la Kuyamba

Nyimbo ya Dhaveti

¹ Chawuta wonesani kuti ndilibe mulandu, pakuti ndidafamba mwakukhuma chikhulupililo ndidathemba na Chawuta ndilibe kugona.

² Chawuta ndinyanganisiseni pomwe ndiyeseni, yesani ntima wangu nayimpso zangu.

³ Pakuti ntsisi zanu zili patsogolo pangu, ninfamba muchikhulupililo chanu.

⁴ Ninkhala lini nawanthu wamagunkha, naawo am'bzibisa wakusaya kuwa pachadidi.

⁵ Nin'zonda chipani chawanthu an'chita bzakuyipa wanthu wakuyipa, nin'khala lini pabodzi nawo.

⁶ Nin'zasamba manja yangu ndilibe mulandu, ndichiyenda kazungunuka mbuto yanu yakupelekela ntsembe, Chawuta.

⁷ Niniyimba nyimbo yakulemekeza, ndichilalikila bzamabasa yanu yan'dabwisa.

⁸ Chawuta ninfuna nyumba yamun'khala, mbuto in'khala ndemela yanu.

⁹ Lekani kuchosa n'zimu wangu pabodzi nawakuyipa, lekani kuchosa umoyo wangu pabodzi nawanthu wakutaya gazi,

¹⁰ m'manja mwawo mudadzala bzakuyipa, pomwe manja yawo yadidi yadadzala nabzivalamulomo.

¹¹ Mwakukhuma chikhulupililo, ninfamba ndilomboleni mundikomele ntima.

¹² Mwendo wangu udayima pambuto ili thasa, nkati mwawanthu azinji nin'dalisa Chawuta.