Nyimbo 20 - Bhukhu la Kuyamba

Kwanyakuyimbisa.

Nyimbo ya Dhaveti

¹ Chawuta ankudayila muntsiku zakushupika, Lekani dzina la Mulungu wa Jakobho likusumuseni.

² Lekani atume thandizo yake kuchoka kumbuto yakuyela, ngaakuthandizeni kuchoka ku Ziyoni.

³ Lekani akumbuke ntsembe zanu zentse, ngaatambile ntsembe zanu zakutentha! Selah.

⁴ Lekani akupaseni bzinfuna ntima wanu, lekani adzadzikize bzamunkumbuka!

⁵ Tin'zayimba tichikondwela kukunda kwanu, tichizasumusa bandela mudzina la Mulungu wathu. Lekani Chawuta adzadzikize mapemphelo yanu yentse!

⁶ Tsapano ndadziwa kuti Chawuta an'chiza nyakudzodzewa wake, animudayila ali kudzulu kwake kuniyela, najanja lake ladidi lamphamvu lakuchiza!

⁷ Anango an'dumba nangolo zankhondo anango namahachi, koma ise tin'dumba nadzina la Chawuta Mulungu wathu.

⁸ Wanthu amwewo an'zakotama achigwa pantsi, koma ise tin'zasumuka tichiyima dzololo.

⁹ Chawuta chizani, Mambo tidayileni pantsiku yatin'chemela!