Nyimbo 2 - Bhukhu la Kuyamba

Mambo wakusankhuliwa na Mulungu

¹ Thangwe lanyi mishowo ikupangana bzakundipandukila? Thangwe lanyi mishowo yawanthu ikupangana bzapezi-pezi?

² Mazimambo yadziko yali kukochezana, atongi ali kupangana bzakupandukila Chawuta, nawakudzodzewa wake adati,

³ “Ngatigwateni cheni zawo, ngatitaye thambo zawozo.”

⁴ Iye an'khala kudzulu anseka, Mfumu anseka.

⁵ Pamwepo an'zalewa-lewa kwayiwo nawukali, an'zaagopsa nawukali adati,

⁶ “Ndidayikha mambo wangu paphili la Ziyoni, paphili lakuyela.”

⁷ Nin'zalalikila mitemo ya Chawuta, adati kwayine, “Ndiwe mwana wangu, lelo ndakubala.

⁸ Ndikumbile, ndikupase mishowo yawanthu kuti ikhale nthaka yako, nadziko kufika kumapeto kwalene.

⁹ Un'zaatyola namphsimbo yasimbi, uchizaaphwanya ninga chikalango chanyakuwumba.”

¹⁰ Tsapano imwe mazimambo khalani nanzelu, muchenjezewe, imwe mazimambo yadziko.

¹¹ Tumikilani Chawuta muchigopa, kondwani muchitetemela,

¹² mphsodani mwana. Pakuti angakalipe, muchifela munjila, pomwe an'diza lini kukalipa. Niwakudala awo ampotela kwayiye.