Nyimbo 149 - Bhukhu la KuyambaNyimbo yakudumbiza 1 Aleluya! Imbilani Chawuta nyimbo inyowani! Kudumbiziwa kwake munsonkhano wawantsisi! 2 Lekani Izraeli ikondwe mwa Nyakuyilenga! Lekani wana wa Ziyoni asekelele mwamambo wawo! 3 Lekani adumbize dzina lake nakubvina! Achimuyimbila, achiliza chikhwechele nachipendani! 4 Pakuti Chawuta ankomedzewa nawanthu wake, ankomedzesa am'bzichepesa nachipulumuso. 5 Lekani wantsisi asekelele muwulemelelo, lekani ayimbe achisekelela ali paachalimba pawo! 6 Lekani madumbizo yapadzulu ya Mulungu yakhale pangololo zawo, nabhemba lin'cheka kwentse-kwentse m'manja; 7 kuti abwezelambo kumadziko, nakulanga mishowo yawanthu; 8 kuti amange mazimambo yawo nanjema, pomwe nawakulemekezewa wawo nasimbi; 9 kuti achite kwayiwo kutonga kudanembewa! Uwu niwukulu kwawantsisi wake wentse. Aleluya! |
Bhaibheri reChikunda © Bible Society of Zimbabwe
Bible Society of Zimbabwe