Nyimbo 14 - Bhukhu la Kuyamba

Kwanyakuyimbisa. (Nyimbo) ya Dhaveti.

¹ Lombe muntima mwalene liniti, kulibe Mulungu! Wentse ana nzelu zakuwola, an'chita bzin'nyantsa, palibe nee m'bodzi wawo an'chita bzabwino.

² Chawuta ali kudzulu an'nyangana pantsi kwawana wawanthu, kuti awone kuti panango pana munthu wanzelu, ampsaga Mulungu.

³ Koma wentse niwakutayika, wentse niwakuwola, palibe nee m'bodzi wawo an'chita bzabwino, nee, ne m'bodzi yekha.

⁴ Ko an'dziwa lini wentse akuchita bzakuyipa? Wentse anidya wanthu wangu ninga ali kudya zingwa, ampemphela lini kwa Chawuta?

⁵ Koma iwo an'zagopelatu, pakuti Mulungu ana m'badwe wawakulungama.

⁶ Wakuyipa an'nyazisa bzinkumbuka am'bzichepesa, koma Chawuta ndiye pakuthawila pawo.

⁷ Ninga chipulumuso cha Izraeli chachoka ku Ziyoni, Chawuta paan'zachosa wanthu wake muwulanda, Jakobho an'zasekelela, Izraeli an'zakondwa.