Nyimbo 137 - Bhukhu la Kuyamba

Kulila kwa Izraeli muwulanda

¹ Mbali mwatukamadzi twa Bhabhiloni, kumweko tidakhala pantsi tichilila, patidakumbuka Ziyoni.

² Pamiti yamupopula, tidamanika bzipendani bzathu pamwepo.

³ Pakuti kumwepo anyakutipamba, akhafuna nyimbo kuchoka kwayise. Anyakutiseka akhafuna kuti tiwakondwese adati, “Tiyimbileniko nyimbo ibodzi ya Ziyoni!”

⁴ Ko tingayimbe tani nyimbo ya Chawuta, mudziko lachilendo?

⁵ Peno ndakuyebwa, iwe Jerusalema, janja langu ladidi ngaliyebwe unyabezi walene!

⁶ Lilimi langu ngalimamatile kudzulu kwakhamwa langu, peno ninkukumbuka lini, peno ninileka kuyikha Jerusalema, padzulu pabzentse bzininkondwesa!

⁷ Kumbukani, imwe Chawuta, bzaadachita a Edhomu, pantsiku ya Jerusalema, paadati, “Iphwanyeni, iphwanyeni! Kufikilatu patsinde layene!”

⁸ Iwe mwana wachikazi wa Bhabhiloni, iwe nyakuphwanyiwa, niwakudala uyo am'bwezelambo kwayiwe, bzawudachita kwayise!

⁹ Niwakudala an'zatola mphwele zako, achiziphomolela pamwala!