Nyimbo 124 - Bhukhu la Kuyamba

Mulungu nyakuchinjiliza wanthu wake

Nyimbo yakukwila nayo ya Dhaveti.

¹ Ninga Chawuta akhali lini kumbali kwathu, lekani Izraeli ilewe kuti,

² ninga Chawuta akhali lini kumbali kwathu, wanthu paadatimukila;

³ pamwepo akhadatimeza tili wamoyo, ukali wawo pawudatigakila;

⁴ pamwepo madzi yakhadatigwanila, kukukuma kwamadzi kukhadatinyuza;

⁵ pamwepo madzi yamphamvu, yakhadatinyuza.

⁶ Ngaadalisiwe Chawuta, uyo alibe kutipeleka, kukhala chakudya chamano yawo!

⁷ Tidaphsukunyuka ninga mbalami, muwukhukha waanyakuteya, ukhukha wagwatika, ise taphsukunyuka!

⁸ Thandizo lathu lili mudzina la Chawuta, nyakulenga kudzulu napantsi.