Nyimbo 12 - Bhukhu la Kuyamba

Kwanyakuyimbisa pa Shiminiti. Nyimbo ya Dhaveti.

¹ Chawuta tithandizeni! Pakuti wakudziwa-Mulungu amala, wanthu wakukhulupilika achawoneka lini pakati pawana wawanthu.

² Wentse akhala wamagunkha basi, wanthu ali kunamizana.

³ Chawuta ngaagwate milomo yentse inilewa bzakunama, nalilimi lim'bzikuza,

⁴ awo aniti, “Nalilimi lathu tinkunda milomo yathu ina ise, mbuya wathu mbani?”

⁵ “Nathangwe lakupwetekeka kwawakupondelelewa, kubuwula kwawakushupika, tsapano ndaakusumuka, watenepo Chawuta. N'niwayikha pambuto yabwino yakuchinjilizika yaanfunayo.”

⁶ Mafala ya Chawuta njakuchena, yan'chita ninga siliva idatsukiwa muchipala chamoto, idatsukiwa ichichenesewa kanfika kanomwe.

⁷ Nakutenepo tin'dziwa kuti imwe Chawuta, muniwachinjiliza. Tichengeteni kuyambila kum'badwe uwu kufika lini nalini.

⁸ Wakuyipa ali kufamba mbali zentse, ninga kukuziwa kun'chita kuyipa pakati pawanthu.