Nyimbo 110 - Bhukhu la Kuyamba

Chawuta namambo wake wakusankhuliwa

Nyimbo ya Dhaveti.

¹ Chawuta aniti kwa Mfumu wangu: “Khala kujanja langu ladidi, kufikila ndachita azondi wako pakuponda nzayo zako!”

² Chawuta antuma mphsimbo yako yamphamvu, yawumambo kuchoka ku Ziyoni. Tonga pakati paazondi wako!

³ Wanthu wako an'zabzipeleka nakufuna kwawo, pantsiku yankhondo yako, pamapili yakuyela. Kuchoka madandakucha, mame yawubwana wako yan'zakhala yako.

⁴ Chawuta adalumbila, an'zasandula lini nzelu zake. Adati, “Ndiwe nyantsembe kufika lini nalini, kuteyeza n'ndandanda wa Melikizedheki.”

⁵ Mfumu ali kujanja lako ladidi, an'zaphwanya mazimambo pantsiku yankwiyo wake.

⁶ An'zatonga madziko yentse, achizayadzadza nabzitanda. An'zaphwanya mazimambo, padziko lentse lapantsi.

⁷ Iye an'zamwa mukankulo kali munjila, nakutenepo an'zasumusa nsolo wake.