Nyimbo 101 - Bhukhu la Kuyamba

Kutsimikiza kwamambo

Nyimbo ya Dhaveti.

¹ Nin'zayimba nabzantsisi nakulinganiza! Kwayimwe Chawuta nin'zayimba.

² Nin'zabvesesa kufamba munjila zakukonkholoka, ko mun'zabwela lini kwayine? Nin'zafamba mwakukonkholoka ntima munyumba yangu.

³ Nin'zayikha lini chentse chapezi-pezi pamaso pangu, Nin'zonda mabasa yawentse ampatuka, yan'zamamatila lini payine.

⁴ Ntima wakupotoka un'zachoka payine; Chakuyipa nin'zachidziwa lini.

⁵ Uyo anfudza mwanzake kabisila, nin'zacheneka. Munthu am'bzikuza, wantima wakubzidumbiza, nin'nyantsiwa naye.

⁶ Nin'zayikhila nzelu kwawakukhulupilika padziko, kuti akhale nayine. Awo anfamba munjila yakukonkholoka, an'zanditumikila.

⁷ Palibe an'chita bzachinyengo, an'zakhala munyumba mwangu. Palibe munthu anilewa magunkha an'zakhazikika pamaso pangu.

⁸ Machibese yokha-yokha nin'zacheneka wakuyipa wentse mudziko. Ndichizapha wentse an'chita bzakuyipa muguta la Chawuta.