Kuyamba 5 - Bhukhu la Kuyamba

M'badwe wa Adhamu

¹ Aya ndiyo madzina yam'badwe wa Adhamu. Mulungu paadalenga munthu, adamulenga adalingana nayiye pachake.

² Adalenga mwamuna nankazi, adaadalisa, achiwachemela kuti, “Wanthu”

³ Adhamu akhana magole dzana namakumi matatu (130), adakhala apayi wamwana akhadalingana nayiye, waadapasa dzina lakuti Seti.

⁴ Pambuyo pakubaliwa kwa Seti, Adhamu adakhala pomwe magole mazana masele (800) adachita pomwe anango wana wachimuna nawachikazi.

⁵ Magole yentse yadalalama Adhamu yakhali mazana pfemba namakumi matatu (930), nkuzafa.

⁶ Seti paakhana magole dzana namashanu (105), adakhala apayi wa Enoshi.

⁷ Pambuyo pakubaliwa kwa Enoshi, Seti adalalama kwamagole mazana masele nanomwe (807), adabala anango wana wachimuna nawachikazi.

⁸ Magole yentse yadalalama Seti yakhali mazana pfemba nakhumi namawili (912), nkuzafa.

⁹ Enoshi paakhana magole makumi pfemba (90), adakhala apayi wa Kenani.

¹⁰ Pambuyo pakubaliwa kwa Kenani, Enoshi adalalama kwamagole mazana masele nakhumi nashanu (815), adabala anango wana wachimuna nawachiakazi.

¹¹ Magole yentse yadalalama Enoshi yakhali mazana pfemba namashanu, (905), nkuzafa.

¹² Kenani paakhana magole makumi manomwe (70) adakhala apayi wa Mahalaleli.

¹³ Pambuyo pakubaliwa kwa Mahalaleli, Kenani adalalama kwamagole mazana masele namakumi manayi (840), adabala anango wana wachimuna nawachikazi.

¹⁴ Magole yentse yadalalama Kenani yakhali mazana pfemba nakhumi (910), nkuzafa.

¹⁵ Mahalaleli paakhana magole makumi matanthatu namashanu adakhala apayi wa Jaredhi.

¹⁶ Pambuyo pakubaliwa kwa Jaredhi, Mahalaleli adalalama kwamagole mazana masele namagole makumi matatu (830), adabala pomwe anango wana wachimuna nawachikazi.

¹⁷ Magole yentse yadalalama Mahalaleli yakhali mazana masele namakumi pfemba namashanu (895), nkuzafa.

¹⁸ Jaredhi paakhana magole dzana namakumi matanthatu namawili (162), adakhala apayi wa Enoki.

¹⁹ Pambuyo pakubaliwa kwa Enoki, Jaredhi adalalama kwamagole mazana makumi masele (800), adabala pomwe anango wana wachimuna nawachikazi.

²⁰ Magole yentse yadalalama Jaredhi yakhali mazana pfemba namakumi matanthatu namawili (962), nkuzafa.

²¹ Inoki adalalama magole makumi matanthatu namashanu (65), nkukhala apayi wa Metusela.

²² Pambuyo pakubaliwa kwa Metusela, Inoki adafamba na Mulungu kwamagole mazana matatu (300), adabala pomwe anango wana wachimuna nawachikazi.

²³ Magole yentse yadalalama Enoki yakhali mazana matatu namakumi matanthatu namashanu (365).

²⁴ Inoki adafamba na Mulungu, adanyangalika, pakuti Mulungu adamutola.

²⁵ Metusela paakhana magole dzana namakumi masele nanomwe (187), adakhala apayi wa Lameki.

²⁶ Pambuyo pakubaliwa kwa Lameki, Metusela adalalama kwamagole mazana manomwe namakumi masele namawili (782), adabala anango wana wachimuna nawachikazi, nkuzafa.

²⁷ Magole yentse yadalalama Metusela yakhali mazana pfemba namakumi matanthatu napfemba (938), nkuzafa.

²⁸ Lameki paakhana magole dzana namakumi masele namawili (182), adakhala apayi wamwana wachimuna,

²⁹ waadapasa dzina lakuti Nowa, adati, “Kuchoka padongo lidatembelelewa na Chawuta, mwana uyu ndiye an'zatinyamaliza pabasa lentse lakuwuma latim'phata namanja yathu.”

³⁰ Pambuyo pakubaliwa kwa Nowa, Lameki adakhala kwamagole mazana mashanu namakumi pfemba nashanu (595), adabala anango wana wachimuna nawachikazi.

³¹ Magole yentse yadalalama Lameki yakhali mazana manomwe namakumi manomwe nanomwe (777), nkuzafa.

³² Nowa paakhana magole mazana mashanu (500), adakhala apayi wa Shemu na Hamu na Jafeti.