Wuj Richin ri Jeremías 45 - Kaqchiquel Bible

Ri rutzijol ri xya'ox pa ruwi' ri Baruc

¹ Chupan ri rukaj juna' chire ri q'atbel-tzij richin ri Joaquim ruk'ajol ri Josías, rey richin Judá, toq ri Baruc nutz'ibaj ronojel ri nibix chire roma ri Jeremías. Y kere' ri xubij chire:

² Kere' ri rutzijol ri xuya-pe ri Jehová ri qa-Dios chawe rat Baruc:

³ Rat xabij: Toq'ex k'a nuwech yin, roma ri Jehová kan ruya'on bis y q'axo'n chuwe. Xikos yan richin yinoq' y man ninwil ta uxlanen, xacha'.

⁴ Jak'a ri Jehová nubij chi rija' kan nuwulaj ri xupaba-q'anej y nuk'uq ri xutik-qa. Kan keri' k'a xtuben rik'in re ruwach'ulew re'.

⁵ Y roma ri' man tawajo' richin ninimirisex aq'ij, roma rija' kan xtuk'en-pe ri ruk'ayewal pa kiwi' konojel winaqi'. Jak'a rat xkaruchajij xabakuchi xkabe-wi, xicha' chire.