Wuj Richin Bix Chire ri Dios 70 - Kaqchiquel Bible

Sujunik rik'in ri Dios, koma ri e etzelanel*f68*

¹ Nimalej Dios, katanpe richin yinakol. Tabana' utzil kinato' chi'anin.

² Tabana' chi xkek'ixbitej y xtisach ta kik'u'x ri nikajo' nikelesaj ri nuk'aslen. Chuqa' ri yerayin chi niqaqa ta itzel chuwij, tabana' chi xtikitzolij ta ki' chikij y xkek'ixbitej ta.

³ Ri kan janila yetze'en y yesik'in chuwij, tabana' k'a chike chi xke'animej ta rik'in k'ix.

⁴ Jak'a kan kekikot y kenimaq'ijun ri yekanon awichin. Y konojel ri yekikot rik'in ri akolotajik rat, kan jantape' tikinimirisaj ri abi'.

⁵ Jak'a yin, k'a ink'o na pa q'axo'n y kan k'a k'o nik'atzin chuwe; Nu-Dios yin, chi'anin katanpe y kinato'. Ja rat ri at nuto'onel y nukolonel, nu-Dios yin, tabana' utzil kinato' chi'anin.