Wuj Richin Bix Chire ri Dios 131 - Kaqchiquel Bible

Kuqubabel-k'u'x rik'in ri Jehová*f115*

¹ Jehová, yin kan man nunimirisan ta k'a wi', ni man yenwetzelaj ta ch'aqa' chik winaqi'. Man ja ta k'a ri nima'q taq rayinik ri nutzeqeliben, ni man ninch'ob ta rij ri man yeq'ax ta chinuwech.

² Pa ruk'exel keri', xan kan man yiq'ajan ta k'a y jun ink'o-wi. Kan nubanon k'a achi'el jun ak'ual ri k'a juba' titz'uman kan. Kan ch'u'ul k'a ri wánima achi'el ri ak'ual ri k'a juba' titz'uman kan rik'in ri rute'.

³ Nuwinaq israelita, kan tikuquba' k'a ik'u'x rik'in ri Jehová, re wakami y keri' tibe-q'ij tibe-seq.