1 Crón 3 - Kaqchiquel Bible

¹ Ri e ruk'ajol kan ri David ri e alaxineq pa tinamit Hebrón: Je ri Amnón ri nimalaxel, ral ri Ahinóam aj-Jezreel; ri ruka'n ja ri Daniel, ral ri Abigail aj-Carmel;

² ri rox ja ri Absalón, ral ri Maacá, rumi'al ri Talmai, rey richin ri ruwach'ulew Guesur; ri rukaj ja ri Adonías, ral ri Haguit;

³ ri ro' ja ri Sefatías, ral ri Abital; ri ruwaq ja ri Itream, ral ri Eglá.

⁴ Re e waqi' ruk'ajol ri David xe'alex pan Hebrón, akuchi xq'aton-wi tzij wuqu' juna' rik'in nik'aj. Y chirij ri' xq'aton-tzij juwineq oxlajuj juna' pa ruwi' ri Jerusalem,

⁵ ri akuchi xe'alex chik re e kaji' ralk'ual re': Ri Simá, ri Sobab, ri Natán, y ri Salomón; konojel re' e ral ri Betsabé, rumi'al ri Amiel.

⁶ Y chirij ri' xek'oje' chik beleje' ralk'ual ri David: Ri Ibhar, ri Elisamá, ri Elifélet,

⁷ ri Nógah, ri Néfeg, ri Jafía,

⁸ ri Elisamá, ri Eliadá, y ri Elifélet.

⁹ Jare' k'a ri e ralk'ual ri David ri xek'oje', y man xe'ajlex ta k'a ri ch'aqa' chik ralk'ual ri xe'alex kik'in ri e ru-concubina. Y re' xk'oje' jun kana' xubini'aj Tamar.

Ri e rijatzul kan ri Salomón

^10-14 Ri e rijatzul kan ri Salomón: Je ri Roboam, ri Abías, ri Asá, ri Josafat, ri Joram, ri Ocozías, ri Joás, ri Amasías, ri Azarías, ri Jotam, ri Acaz, ri Ezequías, ri Manasés, ri Amón, y ri Josías.

¹⁵ Ja kibi' re' ri e ruk'ajol kan ri Josías: Ri nabey rubini'an Johanán; ri ruka'n ja ri Joaquim; ri rox ja ri Sedequías; y ri rukaj ja ri Salum.

¹⁶ Ri e ruk'ajol ri Joaquim kibini'an Jeconías y Sedequías.

^17-18 Ri Salatiel, ri Malquiram, ri Pedaías, ri Senazar, ri Jecamías, ri Hosamá y ri Nedabías konojel re' e ruk'ajol ri Jeconías ri elesan-el chupan ri ruruwach'ulew.

¹⁹ Ri e ruk'ajol ri Pedaías ja ri Zorobabel y ri Simí. Ri e ruk'ajol ri Zorobabel ja ri Mesulam y ri Hananías, y k'o jun kana' rubini'an Selomit.

²⁰ Y ri Zorobabel xek'oje' chik e wo'o' ralk'ual ri xkibini'aj, Hasubá, Óhel, Berequías, Hasadías y Jusab-hésed.

²¹ Ri e ruk'ajol ri Hananías ja ri Pelatías y ri Isaías. Ri Isaías xralk'ualaj ri Refaías; ri Refaías xralk'ualaj ri Arnán; ri Arnán xralk'ualaj ri Abdías; y ri Abdías xralk'ualaj ri Secanías.

²² Ri e waqi' ruk'ajol ri Secanías je ri Semaías, ri Hatús, ri Igal, ri Baríah, ri Nearías y ri Safat.

²³ Ri kibi' ri e ruk'ajol ri Nearías je ri Elioenai, ri Ezequías y ri Azricam.

²⁴ Ri Elioenai e wuqu' k'a ri ruk'ajol: Je ri Hodavías, ri Eliasib, ri Pelaías, ri Acub, ri Johanán, ri Delaías y ri Ananí.