Đơs Crih 98 - Sră Goh 2018

Jòng ro Yàng Jehôwa bơh bơta song ring Kơnràñ dê

Jơnau Đơs Crih

¹ Đơs chò tĕ Yàng Jehôwa in dô bơta đơs chò pa, Bơh Kơnràñ neh lơh ală bơta crih crài! Tê ma mơ tơwòr tê sàng goh Kơnràñ dê neh geh pha lin rlau.

² Yàng Jehôwa neh yal pơnro bơta pha lin rlau Kơnràñ dê, Mơ ràng tơlik bơta song ring Kơnràñ dê di đap ală lơgar.

³ Kơnràñ neh kah wơl bơta kòñ gơboh kơ̆ dơn mơ bơta dòn song Kơnràñ dê gơwèt mơ hìu Israel. Làm jơh plai ù neh gŏ bơta pha lin rlau Yàng Tom Trồ bol he dê.

⁴ Ơ jơh plai ù, ai tĕ jơnau dờng hòn chò jòng ro Yàng Jehôwa, Đơs tĕ bơta đơs chò hòn chò mơ đơs chò jòng ro Yàng!

⁵ Đơs chò tĕ bal mơ kơñi gòng nàng jòng ro Yàng Jehôwa, Ngui tĕ kơñi gòng bal mơ ntas ală kơñi ndai.

⁶ Uh tĕ kơlwòk bal mơ ntas kơwào, Nàng gơs jơnau dờng hòn chò di đap Bơtau at bồ, la Yàng Jehôwa!

⁷ Lòi dàlềng mơ jơh ală phan ơm tòm dàlềng gơlik ntas nggồr dờng; Dunnia mơ ală cau ơm tòm dunnia kung lơh behơ̆ sơl.

⁸ Lòi ală hiòng dà tih tap tê, Ală mơnơm hòn chò đơs chò dô bă bal di đap Yàng Jehôwa,

⁹ Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.