Đơs Crih 76 - Sră Goh 2018

Yàng Tom Trồ Jakôp dê cahrña jơh ală cau tòm plai ù

Bơta đơs chò Asap cih ai cau lam bồ đơs chò in ngui mơ kơñi pĕ

¹ Tòm lơgar Juda cau git Yàng Tom Trồ, Sơnđan Kơnràñ la dờng tòm Israel.

² Sàl ing duh khoai Kơnràñ dê geh bơt bơtào tòm Salem, Mơ tiah ơm Kơnràñ dê tòm Siôn.

³ Tòm tiah hơ̆ Kơnràñ dơrkă pă kam ồs, khèl, đào, mơ ală phan tòmlơh. (Selah)

⁴ Bơta gơklŏ Yàng dê sơlo ryŭ ryơm Rlau mơ ală mơnơm gam sùm sùm.

⁵ Ală cau khin cha gơkòl kơñau phan neh tòmpìt geh; Bol khai bic lơhă ngan; jơh ală cau jak tòmlơh ò rgơi pò dô đah tê bol khai dê.

⁶ Ơ Yàng Tom Trồ Jakôp dê, tòm bơta lah pơrhơng Kơnràñ dê, Gen cau hào rơndeh ơseh mơ ơseh kòl chơt.

⁷ Mơya Yàng la pal rngòt ngan! Tòm tŭ Yàng gơhào gơjrañ gen ñcau rgơi ntào jai di đap Kơnràñ taih?

⁸ Bơh đang trồ Yàng tơlik jơnau cahrña; Plai ù rngòt rngơt mơ ơm mŏ mŏ.

⁹ Tòm tŭ Yàng Tom Trồ guh bơtào bơta cahrña Nàng dong klàs ală cau kòl rồn bơklơn tòm ù. (Selah)

¹⁰ Bơta gơhào gơjrañ kòn mơnus dê gơlik bơta jòng ro Yàng; Ai bơta gơjrañ rlau ir gen Yàng rơp kơryan wơl.

¹¹ Ho pơgon tĕ mơ Jehôwa Yàng Tom Trồ bol mê dê, mơ lơh jat be bơta neh ho; Jơh tơl nă cau lơi ơm gùt dar Kơnràñ, cèng tĕ phan ơn Kơnràñ in la Bơtau pal duh rngòt.

¹² Kơnràñ tơnroh ală hwềng cau kwang at bồ dê, Ală cau bơtau tòm dunnia rngòt rơm să di đap Kơnràñ.