Đơs Crih 70 - Sră Goh 2018

Hòi dan Yàng Jehôwa dong kòl, lơh cau rồn bơklơn in kong ƀàssìl

Jơnau Đơs Crih Dabit cih nàng kah kir yau. Ai cau lam bồ đơs chò in ngui

¹ Ơ Yàng Tom Trồ, dan niam nùs dong tă añ! Ơ Yàng Jehôwa, dan mhar mhar dong kòl añ!

² Ală cau jòi bơta nàng tơnchơt añ, Dan lòi bol khai in kòl ƀàssìl mơ sơlồng sơlàng; Ală cau kòñ lơh iơh di añ, dan lòi bol khai in ruc wơl mơ ƀàssìl.

³ Ală cau đơs lah: “Ne, sền tĕ khai!” Dan lòi bol khai gơkòl ruc wơl tài bơh bơta ƀàssìl bol khai dê.

⁴ Ai jơh ală cau jòi jat Yàng, Dan bol khai in geh hòn chò mơ chò hòp tòm Kơnràñ! Ală cau kòñ gơboh bơta dong klàs Kơnràñ dê, Dan lòi bol khai in đơs sùm lah: “Dờng ngan la Yàng Tom Trồ!”

⁵ Mơya añ rƀah lơòi mơ siơ̆u siar; Ơ Yàng Tom Trồ, dan mhar mhar tus mơ añ! Kơnràñ la Bơtau dong kòl añ mơ la Bơtau dong tă añ; Ơ Yàng Jehôwa, dan bañ lơh òbat nyà!