Đơs Crih 61 - Sră Goh 2018

Nùs dòn kơnòm di bơta sền gàr Yàng Tom Trồ dê

Jơnau Đơs Crih Dabit cih ai cau lam bồ đơs chò in ngui mơ kơñi pĕ

¹ Ơ Yàng Tom Trồ, dan iat jơnau añ rac dan, Dan ai tồr iat jơnau hòi dan añ jê,

² Tòm tŭ añ bòl glar òsô, bơh di tiah lồi dut plai ù añ hòi dan mơ Kơnràñ. Dan lam añ tus hơ lŭ klềr jơnhoa rlau mơ añ,

³ Bơh Kơnràñ la tiah kìng crŭ añ jê, La theng kơ̆ cê nàng klàs bơh di cau sò tơm.

⁴ Dan ai añ in ơm sùm sùm tòm sàl Kơnràñ dê! Tiah kìng crŭ hơđơm ală pơnđar Kơnràñ dê! (Selah)

⁵ Ơ Yàng Tom Trồ, bơh Kơnràñ neh kơno jơnau ho pơgon añ jê, Kơnràñ neh ai añ in phan jơtài ală cau duh rngòt di sơnđan Kơnràñ dê.

⁶ Dan Yàng bơtơl bơta kis jŏ cau bơtau in, Dan ală sơnam khai dê gam gơs tòm ală rài.

⁷ Dan khai in nggui hơđang sơbàn sùm sùm di đap Yàng Tom Trồ; Dan ai bơta kòñ gơboh kơ̆ dơn mơ bơta dòn song nàng sền gàr khai!

⁸ Behơ̆ añ rơp đơs chò jòng ro sơnđan Kơnràñ sùm sùm, Nàng añ tơm wơl jat ală bơta ho pơgon añ jê kòp ngai.