Đơs Crih 6 - Sră Goh 2018

Jơnau hòi dan Yàng sơmbòi kòp jê

Jơnau Đơs Crih Dabit cih. Ai cau lam bồ đơs chò in ngui mơ kơñi pĕ. Jat sap liah

¹ Ơ Yàng Jehôwa, dan bañ gơjrañ mơ lah pơrhơng añ, Bañ lơh glài tơmàl añ tòm tŭ Kơnràñ gơhào gơjrañ dờng.

² Ơ Yàng Jehôwa, dan kòñ nđàc di añ, bơh añ òsô ò soàn; Ơ Yàng Jehôwa, sơm añ, bơh ntìng añ gơ mprơm.

³ Hwềng soàn añ kung gơdơrcul oă ngan. Ơ Yàng Jehôwa, Kơnràñ gơn jơl tus di tŭ lơi taih?

⁴ Ơ Yàng Jehôwa, dan rê wơl dong klàs bơta kis añ jê; Dan dong tă añ bơh nùs kòñ gơboh kơ̆ dơn Kơnràñ dê.

⁵ Bơh tòm bơta chơt ò gam kah Kơnràñ tai ò; Tòm lơgar Làng ƀồc ñcau rơp jòng ro Yàng taih?

⁶ Añ bòl glar tài bơh añ rac ròc; Kòp mang añ ñìm oă ngan hơđang cơnòng bic añ jê, Lơh gơ in sùh mơ dà mat.

⁷ Mat añ siar roh tài bơh moat jrùng, Gơlơh lu li tài bơh cau sòdră di añ.

⁸ Ơ jơh ală cau lơh bơta tồi glài iơh bơsak ne, dô tĕ ngài bơh di añ; Bơh Yàng Jehôwa neh kơno jơnau ñìm rac añ jê.

⁹ Yàng Jehôwa neh kơno jơnau ñìm rac añ jê; Kơnràñ dòp jơnau hòi dan añ jê.

¹⁰ Jơh ală cau sò tơm di añ rơp gơkòl ƀàssìl mơ dơrcul nùs ngan; Bol khai rơp ruc wơl mơ nisơna gơkòl ƀàssìl.