Đơs Crih 54 - Sră Goh 2018

Bơta hòi dan mơ Yàng dong tò he klàs bơh di tê cau sò tơm. Ai cau lam bồ đơs chò in ngui mơ kơñi pĕ

Jơnau Đơs Crih Dabit cih nàng bơto sồr, tòm tŭ cau ƀòn Jip neh tus yal mơ Sol lah: “Dabit pồn să digùl bol he.”

¹ Ơ Yàng Tom Trồ, dan ai sơnđan Kơnràñ mơ dong klàs añ, Ngui gơnoar pràn Kơnràñ dê mơ yal tơlik añ la song ring.

² Ơ Yàng Tom Trồ, dan iat jơnau hòi dan añ jê; Ai tồr iat ală jơnau añ đơs.

³ Bơh cau đơs iơh pơnhừ să neh bơtào tơngguh tòmdră mơ añ, Cau iơh rmơh kòñ tơnchơt añ; bol khai ò ơn Yàng Tom Trồ di đap bol khai. (Selah)

⁴ Mơya ngan, Yàng Tom Trồ la Bơtau dong kòl añ; Yàng la Bơtau yò tơngguh bơta kis añ jê.

⁵ Kơnràñ rơp sal wơl bơta iơh bơsak di ală cau sò tơm di añ; Dan tơnroh bol khai jat be bơta song ngan Kơnràñ dê.

⁶ Añ rơp ơn phan duh khoai bơh nùs kòñ ơn Kơnràñ in; Añ rơp ưnngài sơnđan Yàng dê, bơh bơta hơ̆ la niam; Ơ Yàng Jehôwa.

⁷ Bơh Kơnràñ neh dong tă añ klàs bơh jơh ală bơta bòl glar, Mat añ neh gŏ cau sò tơm di añ kong alah.