Đơs Crih 52 - Sră Goh 2018

Cau blac pơrlồm rơp kong Yàng cahrña

Ai cau lam bồ đơs chò in ngui. Jơnau Đơs Crih Dabit cih nàng bơto sồr tòm tŭ Dôek cau Edôm lòt tus yal Sol in git lah Dabit neh mut tòm hìu Ahimelek

¹ Ơ cau gơs gơnoar pràn, ñchi bơh tài mê jòng is să he tòm bơta lơh iơh gơwèt mơ cau duh rngòt di Yàng taih? Jơh ngai mho mê kơlôi rcang bơta tơnroh.

² Lơmpiat mê ò gơkrơi be pềs koah sồt ngan, Ơ mê la cau lơh bơta blac pơrlồm.

³ Mê gơboh bơta iơh rlau mơ bơta niam, Kòñ đơs blac rlau mơ đơs jơnau song. (Selah)

⁴ Ơ lơmpiat blac pơrlồm, Mê kòñ gơboh lơh iơh di cau bơh jơnau đơs mê dê.

⁵ Mơya Yàng Tom Trồ rơp tơnroh mê sùm sùm; Kơnràñ rơp kup mê, tă crè mê bơh di sàl mê dê, Kơnràñ rơp dus mê bơh di lơgar cau kis dê. (Selah)

⁶ Cau song ring rơp gŏ, gen rngòt, Mơ dơñŏ di mê mơ đơs lah:

⁷ “Sền ne, la cau ò bài kơnòm di Yàng Tom Trồ lơh gơs tiah kìng crŭ khai dê, Mơya kơnòm di bơta pas gơs lìu làc khai dê, Kìng crŭ să he tòm bơta pas sơm khai dê!”

⁸ Ai añ ò gơkrơi be chi Ôlibe tơlir niam tòm hìu Yàng Tom Trồ dê; Añ kơnòm di bơta kòñ gơboh kơ̆ dơn Yàng Tom Trồ dê jơl sùm sùm ò lồi.

⁹ Añ rơp ưnngài Yàng sùm sùm, tài bơh Kơnràñ neh lơh bơta hơ̆. Añ rơp yal tơlik sơnđan Yàng di đap ală cau dòn song, bơh bơta hơ̆ la niam.