Đơs Crih 43 - Sră Goh 2018

Hòi dan mơ Yàng dong tă he

¹ Ơ Yàng Tom Trồ, dan yal tơlik añ la cau ò gơs glài, Mơ dong tò jơnau gơrềng tus di añ gơwèt mơ làng bol ò duh rngòt; Dan dong tă añ bơh di cau blac pơrlồm mơ ò song ring.

² Bơh Yàng la Yàng Tom Trồ, la Bơtau mơ añ kìng crŭ; Ñchi bơh tài Kơnràñ neh sang lòi añ taih? Ñchi bơh tài añ ñìm rac bơh ală cau sò tơm rồn bơklơn añ taih?

³ Dan Yàng tơlik bơta àng mơ jơnau song Kơnràñ dê; Lòi gơ lam añ, lòi gơ cèng añ tus hơ mơnơm sàng goh mơ tiah ơm Yàng dê.

⁴ Gen añ rơp lòt tus hơ cơnòng duh khoai Yàng Tom Trồ, La Yàng Tom Trồ ai añ in bơta hòn chò dờng ngan ò git lơh; Ơ Yàng la Yàng Tom Trồ añ jê, añ rơp pĕ kơñi mơ jòng ro Yàng.

⁵ Ơ hwềng soàn añ, ñchi bơh tài mê gơplơ̆ nùs mơ ñchi bơh tài ò suk ơm taih? Gơn kơnòm tĕ di Yàng Tom Trồ, bơh añ rơp jòng ro Kơnràñ tai, La Bơtau dong kòl añ mơ la Yàng Tom Trồ añ.