Đơs Crih 16 - Sră Goh 2018

Yàng Jehôwa la Bơtau ai lơngai mơ la Bơtau dong tă

Jơnau Đơs Crih Dabit cih

¹ Ơ Yàng Tom Trồ, dan sền gàr añ, bơh añ kìng crŭ tòm Yàng.

² Añ đơs mơ Yàng Jehôwa lah: “Kơnràñ la Yàng añ jê, Rlau mơ Kơnràñ gen añ ò gơs bơta niam lơi.”

³ Ai ală cau sàng goh tòm ù tiah, bol khai la cau dờng màng; Añ gơs bơta hừh nùs dê bol khai.

⁴ Bơta moat jrùng ală cau ơn phan duh khoai ală yàng ndai in rơp gơbơtơl oă tai; Añ rơp ò tuh rsìh mhàm ơn pơdơng bol khai dê, Kung ò yal sơnđan bol khai di sơndồi añ ò.

⁵ Yàng Jehôwa la pơnah añ sac rwah mơ la mơngàn añ jê; Kơnràñ prap gàr pơnah phan mơna añ jê.

⁶ Añ bơtoah bơh geh pơnah tòm tiah niam; Ngan, añ geh sre brê hàng mơnĕ.

⁷ Añ jòng ro Yàng Jehôwa la Bơtau bơto sơnio añ; Tòm mang nùs añ kung bơto sồr añ.

⁸ Añ òs lòi Yàng Jehôwa ơm di đap añ; Añ ò gơs tŭ lơi wañ lơnggơh, tài bơh Kơnràñ ơm đah ma añ.

⁹ Tài bơh hơ̆ nùs añ chò hòp, hwềng soàn añ hòn chò ngan; Poac să añ kung geh rlô ring lơngai.

¹⁰ Bơh Yàng rơp ò sang hwềng soàn añ tòm lơgar Làng ƀồc, Kung ò lòi cau dòn song Yàng dê gŏ bơtô ƀồc.

¹¹ Yàng rơp sơnio añ in git gùng bơta kis; Di đap Yàng gơs bềng lìu bơta hòn chò, Di đah ma Yàng gơs bơta chò hòp gam sùm sùm.