Đơs Crih 150 - Sră Goh 2018Jòng ro bơta dờng lin rlau jơh Yàng Tom Trồ! 1 Jòng ro Yàng Jehôwa! Jòng ro Yàng Tom Trồ tòm tiah sàng goh Kơnràñ dê! Jòng ro tĕ Kơnràñ bơh gơnoar pràn hơđang pah gòi Kơnràñ dê! 2 Jòng ro Kơnràñ bơh ală broă gơnap gơnoar Kơnràñ dê! Jòng ro Kơnràñ jat bơta dờng lin rlau jơh Kơnràñ dê! 3 Uh tĕ kơlwòk nàng jòng ro Kơnràñ, Ai kơñi pĕ mơ kơñi rơs nàng jòng ro Kơnràñ! 4 Jan tĕ sơnggơr dềt mơ tòmya nàng jòng ro Kơnràñ! Pĕ tĕ kơñi che mơ uh kơwào nàng jòng ro Kơnràñ! 5 Tur tĕ cing ntas dờng nàng jòng ro Kơnràñ! Tur tĕ cing nggồr nàng jòng ro Kơnràñ! 6 Lòi jơh ală phan tă nhơm jòng ro Yàng Jehôwa! Jòng ro Yàng Jehôwa! |
© 2018 United Bible Societies. All rights reserved.
Bible Society Vietnam