Đơs Crih 141 - Sră Goh 2018

Dan Yàng sền gàr klàs bơh ală tồi glài iơh bơsak

Jơnau Đơs Crih Dabit cih

¹ Ơ Yàng Jehôwa, añ hòi dan mơ Kơnràñ, dan tus mhar hơ añ. Tòm tŭ añ hòi dan mơ Kơnràñ, dan wèt tồr iat jơnau añ!

² Dan dòp jơnau hòi dan añ jê be kơlhô chu di đap Yàng; Dan dòp bơta añ pò tê hơđang kung be phan ơn duh khoai tòm trồ mho.

³ Ơ Yàng Jehôwa, dan sền gàr bơr añ jê kơrmap gàr sơndồi añ jê.

⁴ Dan bañ lòi nùs añ wèt hơ bơta iơh lơi, bañ lòi añ giga tòm ală broă iơh bơsak, tòm mpồl ală cau lơh bơta tồi glài iơh bơsak; Dan bañ lòi añ sa phan bơkah bol khai dê.

⁵ Lòi cau song ring pù lơh añ; hala cau dòn song bơto pơnniam wơl añ. Mơya bañ lòi mơñà cau iơh bơsak dê bong di bồ añ, Bơh añ hòi dan sùm tòmdră mơ ală broă iơh bơsak bol khai dê.

⁶ Tòm tŭ bol khai kòl jào phi tòm tê ală cau rơp lơh nền glài di bol khai, Gen bol khai rơp bơtê git lah jơnau añ jê la di ngan.

⁷ Ală ntìng bol khai dê rơp kong rsìh di bơr mpồng lơgar Làng ƀồc, be dô pơnai lŭ cau pòng bơcah oă pơnah mơ rsìh hơđang ù.

⁸ Mơya, ơ Jehôwa la Yàng Tom Trồ añ jê, mat añ tơnggòr sền di Yàng, Añ kìng crŭ tòm Kơnràñ; dan bañ sang lòi añ ơm lềng làng.

⁹ Dan sền gàr añ klàs di dă bol khai neh pơt nàng kup añ, Mơ klàs bơh di dă ală cau lơh bơta iơh bơsak dê.

¹⁰ Lòi ală cau iơh bơsak gơkòl yar bal di bơtơng bol khai neh pơt, Ai añ gen geh lik klàs.